陳靜零贅肉水着Look現身　 網民疑惑：上圍縮咗水？

藝人陳靜（Dada）近年積極修身，仲不時喺社交網打卡晒靚相，記錄低自己嘅成果。尋日（16日）佢就貼出自己嘅游水相，見佢着住黑色一件頭泳衣，彎腰自拍，大晒完美S形身材。而最犀利嘅係，佢全身零贅肉，令唔少女網民都表示非常羨慕。

而喺今日（17日）佢就一身壁球美女Look上陣，見佢着住白色短裙，大晒超幼長腿，相常養眼！之後佢又貼出自己嘅早餐相，見佢都係食麵包、水果乳酪同飲茶，非常健康。不過，有網民就覺得Dada依家太瘦，仲話佢上圍疑似縮水，係咁叫佢食多啲嘢呀！