聲生不息︱王祖藍全家搬長沙 仲要義務做節目監製

2022年05月18日 09:02
東網電視
更多新聞短片
唱歌真人騷《聲生不息》現正熱播中,節目威盡全國仲極力推廣港樂,當中最功不可沒嘅都要數節目主持王祖藍,近年佢拉隊北上出騷,打通兩地文化交流,原來今次佢為《聲》除咗義務唔收費外,佢更加係節目監製。近日佢就接受內地電台訪問時,就自爆嚟緊上台表演嘅殿堂級歌手會陸續登場,仲賣晒關子仲有全球音樂人會現身,不過都唔肯講天后容祖兒到底會唔會嚟唱歌。
被問到唔收錢呢個傳聞,祖藍直認:「不用甚麼江湖傳聞,是真的,我非常感恩有這一個非常難得機會,可以兩地一起宣傳港樂,我覺得比酬勞更加重要。我就說為了感謝你們願意跟TVB一起去做這個事情,我覺得為了全國人民的港樂情壞、為了兩岸的交流、為了新生代歌手交流,我就說不用了,我感謝大家。我相信這個回報是全國人民都可以感受港樂。」
佢又提到為節目犧牲大,全家都搬去長沙,方便拍攝:「第一是因為這個節目,第二是我們在芒果台有另一個節目《爸爸當家》,剛好找到李亞男,我直接跟亞男這幾個月都搬到長沙來,還有兩個寶寶。我覺得挺好呀,除了拍節目,跟兩個寶寶感受下長沙風土人情,坐坐地鐵,又去放風箏、博物館,挺多親子活動。」