張偉文曾頭撞牆自殘情況嚴重 靠開騷平復心情
20220518
東網電視
更多新聞短片
69歲「靚聲王」張偉文今年初曾確診新冠肺炎送院,一度傳出病危,一個月後終底康復出院,一直到上周一(9日)張偉文舉行網上演唱會,為7月20日沙田大會堂個唱補場熱身。不過佢因受背部巨型壓瘡困擾,又痕又痛,而且出院後認知障礙症更嚴重,當晚演出前好似小朋友咁多次扭計,要經理人方俊及助手呵完又氹,送湯兼遞上張偉文至愛嘅汽水先順利完成網上騷。
對於大病初癒後嘅表現,張偉文對自己演出不大滿意,指演出會有壓力。至於目前身體狀況,張偉文話自己冇唔舒服,唱歌運氣冇問題,但方俊指張偉文出院後暴瘦50磅,依家已追回25磅,至於背部巨型壓瘡已睇皮膚專科醫生,服用抗生素治療。
方俊續指收到老人院通知,張偉文近日思緒混亂,除大力用頭撞牆及拍打床板自殘外,更掟嘢到隔籬床,致被院友投訴,院方即安排佢調床位,同時方俊建議盡快帶佢去醫院調藥。而張偉文喺疫情期間長期被困護老院及醫院,長時間少同外界接觸,導致精神及反應比較遲緩,成個人呆哂,認知障礙症漸嚴重,所以方俊安排佢做直播,成為其生活寄託及訓練腦筋,一埋位唱歌開心晒。