沈月晒3 Cake賀阿媽牛一　意外揭邱淑貞英文名

邱淑貞大女沈月靚絕中韓，早前因為索爆出席韓國首爾多個時裝牌活動，而被誤會即將要入行做韓星，可想而知佢一副美人胚子幾咁得民心。有其母必有其女，前日（16日）就係邱淑貞54歲生日，鮮有露面嘅佢，今次都依然未有高調現身，反而派出沈月拎住砌成心型嘅花盆公告媽咪生日，佢仲喺社交網連Post 3個靚蛋糕，上面寫上「Happy Birthday Chingmy」，意外揭邱淑貞英文名叫Chingmy。雖然阿女索爆鏡，不過大家都好想見到佢哋母女再次合體影相，等大家可以驚嘆母女嘅靚人基因。