李元元開始迷偶像 大膽挑機問李璨琛MC靚唔靚仔

2022年05月19日 10:04
東網電視
更多新聞短片
藝人李璨琛囡囡李元元(Lucy)網上人氣極高,年紀輕輕就做網紅,不過始終係女仔,幾歲人仔就動心,最近佢仲迷上新人王MC(張天賦),阿媽梁志瑩(Sophia)就出賣阿女,上載家中CCTV嘅片段,一嚟就見到Lucy指住個電視,轉身同李璨琛講有MC,爸爸李璨琛回應:「係喎,真係MC黎喎,你偶像喎。」點知去到尾,Lucy已經撳唔住個少女心,開口問爸爸:「你覺得MC靚唔靚仔呀?」搞到阿媽都留言話:「你叫老竇情何以堪呢?」又Hagtag「當時老竇應該係心中淌淚甚至乎係淌血」、「得啦全世界都知你覺得MC靚仔啦麻煩」認真搞笑。而MC個廣告紙牌仲送咗去Lucy屋企,佢一見到個紙牌即興奮到跳起,仲將個紙牌搬入房,話要同「MC」一齊瞓添!