Marf 3年前黑髮中分拍MV　大堆頭跳舞難掩星味

人氣女團COLLAR成員Marf依家係組合入面嘅人氣王，氣質型格又有實力，一頭淺色短劉海Look更加係令人印象深刻！最近就有網友翻查資料，3年前Marf為歌手黃淑蔓拍《一定要得》MV，當時仲係學生妹嘅佢，留住中間分界長直黑髮，加埋校服Look，真係清純又可愛。最難得係Marf展現Sweet爆笑容，尾聲亦介紹佢做「邱彥筒 Marfie 17歲 2020年 DSE考生」，已經暗藏星味嘅佢，喺MV入面多次出鏡，亦有唔少大頭鏡頭，似乎當時MV導演已經睇中佢嘅藝人潛質，單獨拍攝佢跳舞鏡頭。