李幸倪離巢　祝福AGA留低有好發展：佢大個女！

無綫節目《聲夢傳奇2》今晚（19日）舉行記招，23位學員與6位星級導師導師李幸倪（Gin Lee）王灝兒（JW)、泳兒外，布志綸、林二汶、林奕匡齊齊在演唱會式的四面舞台亮相。

最近宣布將離開環球唱片的Gin Lee以Deep V低胸裝亮相，她說：「依家仲係環球，7月出埋碟，做完《星夢2》先走，自己未定未來發展方向，之後可能會先返馬來西亞探親。（好多唱片公司搵你？）有好多可能性，要探索吓先，因為喺呢間公司好長時間，想轉一轉跳出舒適圈，亦唔係向錢看，希望音樂上尋求唔同嘅挑戰同嘗試。（AGA留低喺環球？）佢大個女，祝福佢有好發展。（陳慧嫻都走埋？）唔清楚。」

再任導師的泳兒被問到揀隊員準則，她指會以歌藝行先，直言下一步會就揀樣，因覺得做明星除了歌藝，觀眾緣亦相當重要。