楊千嬅北上開工 丁子高唔慣獨守空房:每日傾成粒鐘視像

2022年05月20日 19:01
東網電視
更多新聞短片
楊千嬅與老公丁子高在中環出席東華活動,早前上海因疫情封城,他在上海屋企待了個多月,剛剛才由上海回港兩星期處理公司生意,兒子則留在上海由家人照顧:「同個仔研究咗10日,佢情願留喺上海有啲表兄弟妹玩,可能到暑假我家姐先帶返佢落嚟。」
提到太太楊千嬅身在湖南省長沙拍攝節目《聲生不息》,一家人分隔三地,已經有兩個月沒有見太太的他,被問到可擔心影響夫妻感情?他說:「唔會,小別勝新婚,本來諗住過去長沙探佢,但係要隔離,依家日日同佢視像傾成個鐘,講吓屋企嘢,講個仔都半個鐘啦。不過,初頭1個月都OK,兩個月開始就有啲唔慣,感覺有啲古怪,依家自己獨守空房。」