盧廣仲上節目公開讚林家謙　《一人之境》旋律寫得好好聽

台灣歌手盧廣仲最近憑着新碟《勵志論》入圍第33屆金曲獎4項大獎，爭歌王寶座，佢表示每項獎項都想拎。較早前佢喺台灣上電台節目宣傳專輯時，公開表示自己非常欣賞一位香港歌手，他説：「我很欣賞林家謙，《一人之境》這一首歌曲。他的聲音屬於輕柔型的，而且寫得旋律很好聽。雖然我聽不懂廣東歌，不知道是甚麼意思，只知道歌曲是C Major 。」聽到盧廣仲咁欣賞林家謙，唔知第日有冇機會一齊唱番首歌，表演比觀眾睇！