突發！Frankie@MIRROR同拍拖13年女友分手

人氣男團MIRROR成員陳瑞輝（Frankie）本身有個拍拖13年嘅Dancer女友Hei，二人雖然甚少喺社交網放閃，不過佢哋拍拖都已經係公開嘅秘密，更被睇好會成為MIRROR入面最早結婚嘅成員。可惜今日（21日）二人一同於社交網限時動態宣布分手，並留言：「慶幸沿途有你，愛有很多方式，換個角色相處，繼續延續下去...感恩遇見　感恩有你」為免分手惹來太多揣測，兩人亦有提到分手只涉及雙方私人關係，不涉及他人元素，他們對此事亦不會作出更多回應。

Hei現正為張敬軒演唱會任Dancer，並曾留言，似語帶相關講分手心情：「台上，每晚都喊住上，笑住走，人生也如此，無嘢過唔到嘅，共勉之。」