昆凌孖周杰倫放閃　產後面仔紅卜卜

台灣天王周杰倫太太昆凌最近為老公誕下小公主，依家仲坐緊月嘅昆凌，為咗慶祝尋日520 （諧音「我愛你」）大日子，佢已經落床同老公周杰倫合照，仲特意換上印有「520」字樣嘅情侶Tee，真係有心。相中見昆凌氣息相當好，產後靚樣仲喺度，素顏上陣嘅佢面仔紅卜卜，精神好面色更好，似乎身體恢復得唔錯。而周杰倫除咗晒夫妻合照外，佢仲上載自己開咗支1993年產嘅紅酒，正正就係昆凌嘅出生年份，佢兩個隔空放閃，真係Sweet到爆！