炎明熹相隔2年返家鄉　跟嫲嫲學整家鄉小食享天倫

「聲夢小花」炎明熹（Gigi）近日於內地錄影節目《聲生不息》，不但帶挈人氣再升，更令有佢有機會回汕尾家鄉探親，相隔兩年再同家人團聚。無綫節目《東張西望》直擊Gigi回鄉之旅，見Gigi媽媽同細妹一早準備好迎接，而Gigi一落車就同媽媽擁抱，返到屋企之後，Gigi仲第一時間拎出喺比賽《聲夢傳奇》贏得嘅冠軍獎座畀家人睇，Gi媽見到寶貝女努力嘅成果，即忍唔住激動爆喊：「你真的付出了很多很多，真的很不容易，我知道特別特別不容易。」搞到Gigi同嫲嫲都喜極而泣，場面感動！及後Gigi孖住嫲嫲下廚，齊齊炮製家嫏小食，相當溫馨。

另外，Gigi昨晚（21日）喺社交網大晒新相，見佢揸住衣架拍照大擺甫士，盡顯搞怪童趣一面，獲網民大讚有做Model嘅天分。