首演古裝打女冇難度!陳葦璇扮女鬼驚艷全場
![](/mobile/img/bt_TT.png)
![](/mobile/img/bt_share.png)
歌手陳葦璇唱得跳得,原來亦演得,早前參演微電影《九龍皇帝》拍攝,一嘗最夢寐以求演古裝打女,開心一次過滿足了演古裝和演打女兩個願望,之前曾客串過《假冒女團》,今次頭一次主演,令她獲益良多。她說:「今次我飾演女鬼,係明朝公主女鬼,古裝要戴一個好長假髮。(造型會好驚嚇?)導演要求要鬼火咁靚,只係眼神比較兇神惡煞,但個樣都係靚既,所以好開心!」對於自己古裝扮相,她笑稱古裝扮相比現代好看,才發覺眼大鼻大,頗適合古裝。她有傳劇照給家人看,家人都讚她長髮造型不錯:「因為好耐冇見過我留長頭髮,(考慮留長?)真係要睇頭髮聽唔聽話,其實由參加造星至今,我未剪過頭髮,我諗自己啲頭髮生長速度較慢。」
戲中她與朱柏謙有對打戲,導演安排了武指指導他們打鬥的動作,可能跳舞關係,筋骨靈活度高,起飛腳也特別踢得高,最搞笑是她與朱柏謙拍第一個鏡頭,她一腳就踢斷了他拿着的長毛筆兵器,她說:「一踢就斷,勁驚呀!好彩有第二支,如果唔係勁尷尬,無諗過會咁大力。(之後唔敢太大力?)之後控制唔好咁大力踢。」問她是否愛上做戲,她笑言若有機會,定會?飯應。