春光無限！林允福利放題解放隱世巨胸

周星馳愛將內地女星林允雖然工作不斷，但仍不時忙裏偷閒抽空放假，叉足電以最佳狀態示人，近日佢孖住閨蜜出遊，又頻頻去到郊外野餐，以清涼夏日打扮上陣，大派福利。佢連日來喺社交網大晒一系列影片，片中佢似足時裝Model一樣，每去一個地方就換一套新衫，當中見佢連環晒腰，勁騷腹肌線條，又着上短裙解放白滑長腿。不過最養眼都係身穿粉藍色小背心野餐嘅一輯靚相，見向來行清純路線嘅佢，突然超低胸谷出事業線頭，兼趴地玩「倒奶」，加上超貼身凸顯有料身材，認真禾桿冚珍珠！