文頌嫻與鮑起靜興奮合照　宣布工作最新進展

藝人文頌嫻（Annie）自2012年結婚後，全力照顧家庭兼淡出幕前。不過現年45歲嘅佢，就喺前年於ViuTV拍過《打天下》一劇，演技仲大獲好評，唔少觀眾都希望佢可以再拍多啲好戲畀大家睇。而喺尋日（22日），佢就喺社交網貼出同鮑起靜（鮑姐）嘅合照，相中見佢哋笑得好燦爛，睇得出二人感情好好。而Annie仲喺貼文寫到：「影后駕到，正式公布我做咗電台主持，仲大膽到訪問鮑姐，一位我從影第一個母親，一位帶領我連續真喊8場戲的好前輩！」