唐詩詠孖張曦雯女神慶生　緋聞男友爭住請食飯

視后唐詩詠與女神張曦雯因合作劇集《白色強人》而成為好友，咁啱兩位靚女都係5月生日嘅壽星女，呢日佢哋就相約一齊慶生，仲有男士主動請食飯，嗰個就係曾經同唐詩詠傳緋聞嘅伍允龍！唐詩詠於社交網大晒靚相，見伍允龍喺後面動作多多，瘋狂攝鏡，仲興奮過兩位主角，唐詩詠笑指：「我們說話的語氣同態度，有時我好像跟自己在說話一樣，我人生都被金牛女團團圍繞住。多謝師兄請食飯，請食飯嗰個不停多謝嚟食飯嗰兩個。」