結婚大計曝光!黃美棋同鍾健威預計明年舉行婚禮

2022年05月23日 20:13
東網電視
更多新聞短片
藝人黃美棋、鍾健威、陸浩明、導演黃真真及陳德森等今午(23日)出席活動,而原定出席的藝人崔建邦,較早前通知主辦單位有事未能出席。黃美棋罕有佩戴眼鏡出席活動,她説:「因為下星期會做個眼部小手術,會植入隱形眼鏡,醫生話我眼角膜太薄,做唔到激光矯視手術,我好大頭蝦,試過唔記得除隱形眼鏡就去咗瞓。」
她透露近年身體毛病較多,趁現在有時候可以休息及修理一下:「近半年經常無端端條腰會閃痛,脊醫檢查過話我脊柱側彎,要定期做物理治療。(有機會影響生育?)都擔心㗎,所以依家每兩個星期做一次,真係抒緩咗少咗再痛。」她指男友鍾健威亦有出現盆骨痛問題,現兩人一起做物理治療,鍾健威説:「可能近年多咗喺屋企做嘢剪片,一坐就幾個鐘,醫生話盆骨移位,你知男人條腰好重要㗎嘛,哈哈。」談到疫情打亂兩人結婚計劃,美棋笑言:「有朋友話趁疫情唔使擺咁多圍喎,本身都想飛去外地結婚,但疫情飛唔到啦。」兩人表示暫時預計明年舉行婚禮。