陳卓賢戴超拎盆花扮《回魂夜》周星馳：祝Lily快高長大

MIRROR成員Ian（陳卓賢）不時在社交平台分享扮嘢片段，粉絲每次睇到都好開心。日前Ian以一身全黑打扮準備外出，但就戴上墨鏡與Cap帽，加上手持盆栽，似足周星馳於電影《回魂夜》飾演的捉鬼專家Leon，而這個角色又是啟發自名電影《這個殺手不太冷》主角「Leon」造型。

Ian更似模似樣，發文祝賀最愛的盆栽：「祝Lily快高長大。」立即引起隊友Anson Kong加入，配合說出戲中周星馳對白：「熄咗佢。」友人又扮嘢當場認Ian做佬：「大佬！一日大佬一世都係大佬。你做大我做細。由今日開始，我條命就交畀你。」有網友笑指他有埋一個行李箱就完美了，並留言說：「這個歌手不太冷。」