張天賦預告會同李元元合作:唔怕搞佢唔掂!

2022年05月23日 23:17
東網電視
更多新聞短片
歌手張天賦(MC)、馮允謙(Jay)和Dear Jane等,今晚(23日)於九龍灣展貿為明晚(24日)舉行的《CHILL CLUB Keep Going》演唱會作綵排。MC表示綵排順利,他説:「因為會有現場觀眾,所以比平時更加奔放,好耐冇見過咁多現場觀眾啦,就算綵排未有現場觀眾都已經感受到。」他指會唱兩首半歌,其中的半首是與Dear Jane合唱《聖馬力諾之心》。談到李璨琛囡囡李元元(Lucy)對他非常迷戀一事,他說:「我知呀,其實我每條片都有睇,佢好可愛呀,嚟緊應該會合作。(怕唔怕搞佢唔掂?)應該唔會,我都好鍾意小朋友,應該會好有耐性。(到時會唔會買定小禮物?)會打聽吓睇吓佢鍾意食乜嘢。」他表示也有於對方的社交網留言。
Jay爭取時間休息
至於Jay就表示近期工作較忙,有時間就會留家休息:「上個星期好攰,基本上星期六、日都係瞓覺,但瞓完都係好攰,唔知係咪因為瞓得太多,哈哈。」他指除了休息,亦會爭取時間做健身,不過並非為騷肌,只是希望保持身體健康。剛為張敬軒演唱會任嘉賓的他,表示非常開心:「開心到依家,第一次上紅館四面台,有啲緊張但又好開心,因為可以同自己偶像合唱。(自己都想開四面台?)梗係想啦,個個歌手都想,嚟緊自己個騷都係四面台,所以要做好準備工作,同爭取時間休息。(會唔會邀請番張敬軒做嘉賓?)我都想呀,我手畫咗2張飛畀佢呀,因為未印,都想請佢做嘉賓,但唔夠膽呀,怕佢推我我會好Hurt。」他表示月底會開始閉關為演唱會預備。