曾淑雅拋胸挑戰冇繩滑水失敗　誓言下次一定得

「長腿女神」曾淑雅（Jumbo）最近同媽媽去咗Staycation，熱愛玩水嘅佢仲去咗泳池晒比堅尼大解放，令到網民睇到嘩嘩聲！佢尋日（23日）又再出動，喺社文網大晒出海玩滑水嘅相同片，睇到着上白色一件頭低胸泳衣嘅佢，大晒招牌長腿同埋事業線，相當誘人，佢仲要單眼放電，網民都話畀佢冧暈呀！

不過唔係玩開冇繩滑水嘅佢，呢次就仲未學得識，片中睇到喺海上踩住滑水板嘅佢，當隻手一放開條繩，最初都企得住仲興奮咁晒V，不過好快就失平衡撻咗落海啦，佢留言話玩Wakesurf成就未解鎖：「仲未定到，點解要定住都咁難，惟有再努力過！下次應該搞得掂嘅！#睇得隻腳撳唔住隻手#後面手仔冇時停#一心不能二用。」睇嚟下次佢再玩就真係要加把勁先學得識啦，唔少網民都有留言嗌佢加油呀！