袁偉豪孖Super Tiger又跳又唱　突然變老做Ben Sir

袁偉豪（Ben)、陳山聰、泳兒、施匡翹等在將軍澳電視城出席籌款節目記招。袁偉豪與陳山聰在節目中獻唱向巨星致敬，Ben將要演繹多首張學友金曲包括《祝福》、《頭髮亂了》和《這個冬天不太冷》，屆時並與新男團Super Tiger齊齊載歌載舞，他說：「依家開始訓練緊，要操得再fit啲。」他又指與一班後生仔同台跳舞不會有壓力，對於被Super Tiger稱呼為Ben sir，他笑說：「因為上年誤人子弟，做過訓練班嘅客席導師。」

陳山聰演繹的歌曲平時登台早已慣，對歌曲滾瓜爛熟，問到可要跳唱？他說：「因為啲歌係慢歌，所以跳舞就留番畀Uncle Ben啦，我哋都好耐冇一齊做慈善節目。」

講到山聰演出的《十八年後的終極告白2.0》被指變陣迎戰ViuTV劇集《冥冥之中》，他說：「打仗呢啲就留番畀視帝譚俊彥，我都係做助攻架啫，佢依家喺橫店，不過好快就返嚟。」可有信心為為無綫搶回收視，他說：「真心講依家收視唔似以前，最希望贏得觀眾口碑，好以《金宵大廈》咁，吸引番啲觀眾返嚟。」