北上拍劇坐完疫監！姚子羚出關即急會「老公」

藝人姚子羚現時正在佛山為無綫新劇拍攝，之前經過多日的酒店隔離後，子羚即出動「獵食」，除了覓食外，她更到市內的Cafe跟舊拍檔、前無綫藝人蔡淇俊敍舊。蔡淇俊多年前已返內地進軍飲食業，生意相當不俗，除了開米線連鎖店外，現時更開了Cafe，子羚日前就專登到他的Cafe找他聚聚，蔡淇俊跟以前沒甚改變，只是身形更健碩。子羚謂：「我同佢拍得最多唔係劇集，而係婚紗相，入行以嚟真係影過好多輯，仲試過飛去日本影添！最好笑係蔡淇俊同我講啲人成日以為佢係我老公。」

另外，由於此行拍攝需歷時多個月，子羚要長住酒店，她透露剛剛買了半自動洗衣機、脫水機及烘乾機等，更拍了使用時的片段放在社交網，她表示：「我呢排除咗開劇之外，就係忙喺酒店清潔，買晒唔同嘅機我就可以自己洗衫，好方便。」