羅馬尼亞Black Angelika 傳奇天后

2022年05月24日 23:00
東網電視
更多新聞短片
嚟自羅馬尼亞嘅Black Angelika被喻為歐洲最強脫星。(互聯網)
近年冒起嘅歐洲人氣脫星有唔少,只係講到四仔界史上首席歐洲脫星嘅話,Black Angelika絕對當之無愧,猶記得當年佢出道時嘅人氣,真係超勁呀!
重金利誘
早前美國討論區網站Reddit有人發文問,喺四仔界史上著名嘅歐洲脫星有邊位,結果排第一位嘅係Black Angelika。喺羅馬尼亞出生嘅佢,點解咁受四仔迷歡迎呢?咁就要從佢出道前嘅故事開始講起。佢自細嘅夢想係成為一位演員,喺大學時修讀戲劇,更參加電影及電視面試,可惜佢嘅演藝之路並唔順利,反而憑住甜美嘅樣貌,一直不乏拍攝廣告嘅機會。
直到2007年時,佢終於決定放棄當演員夢想,話說當時班中唔少女同學都獲得演出電視劇及電影嘅機會,而佢卻一直坐冷板櫈,呢個時候佢收到模特兒公司經理人嘅電話,問佢有冇興趣演出四仔,喺重金利誘之下,佢便答應演出由Glam Girls Productions製作嘅四仔短片,自此正式出道成為四仔脫星。Black Angelika回憶稱雖然事隔多年,但佢對於當年嘅決定並未感到後悔,反而覺得自己應該更早入行,唔使兜咗個大個嘥時間。
攀上高峰
Black Angelika嘅外形跟當時主流嘅東歐脫星有相當大嘅分別,甚至有人話佢似拉丁妹,而當時期歐美正掀起拉丁裔脫星嘅熱潮,加上佢前凸後趷嘅火辣身材,同埋一口特別嘅羅馬尼亞口音英語,因而深受歐美四仔迷歡迎,而且作品銷量亦極佳,更吸引到各大著名四仔廠嘅注意,其中Private更開出高價片酬邀請佢演出6套作品,當中科幻題材四仔《Blockbusters #3》,更喺2008年嘅FICEB頒獎禮獲得「最佳女配角」提名。
到2009年佢嘅四仔事業更攀上高峰,除咗喺AVN頒獎禮獲得「最佳外國脫星」提名外,更喺Hot d'Or Awards頒獎禮奪得「年度最佳歐洲脫星」,自此奠定天后級地位。Black Angelika坦言冇諗過自己會喺四仔界得到咁好嘅成績,所以非常多謝四仔迷對佢嘅厚愛。另外,問到佢有咩未來大計,佢就話最希望可以回鄉開店做生意,過番平淡嘅生活。
Profile
出生地:羅馬尼亞
身高:163cm
三圍:36D-23-34
被喻為歐洲最強脫星嘅Black Angelika,經過十幾年嘅脫界生涯後,2016年淡出四仔界,卻又喺2018年回歸,雖然佢家陣甚少喺幕前亮相,但佢嘅官方社交網站仍然繼續營運中,仲話將會有新作推出,令粉絲十分期待。