周揚青辣妹Barbie妝上陣　 網民勁讚100％神還原

台灣天王羅志祥舊愛周揚青（Grace）一向熱愛時尚打扮，近日佢就喺社交網上載影片，分享自己化辣妹Barbie妝，仲要以小遊戲方式呈現，相當有趣味感。片中開首，Grace素顏上陣，不過依然好靚女！之後佢就按部就班搽上粉底液、畫眉、搽眼影、貼假眼睫毛等，再搽埋個螢光粉紅唇膏，Barbie樣即時浮現！最後佢仲梳上招牌Barbie高馬尾，戴埋耳環、換埋衫，真人版嘅芭比順利誕身！網民都大讚佢話：「簡直100％神還原」、「真的好像芭比娃娃」、「可塑性太强」、「粉紅辣妹」、「小時候最愛玩的變裝遊戲」，大家都一致好評呀！