輸馮德倫未氣餒　吳謹言秦嵐雙劍合璧衝擊熱度首位

內地女星吳謹言、秦嵐及聶遠憑劇集《延禧攻略》爆紅，同一班底打造的年代劇《傳家》定檔上周四（19日）首播，估唔到上線6日後，網播熱度位列第一，受歡迎程度可見一斑。今次劇中吳謹言與秦嵐飾演同父異母姊妹，聶遠則友情演出，已經好有睇頭，《延禧》勢頭依然煞食，前四集主要人物悉數登場，角色關係、性格特點、情感糾葛等交代清楚，觀眾就大讚新劇節奏緊湊、速度快，夠晒過癮。

早前被指搣甩《延禧》光環就演技下跌嘅吳謹言，飾演刁蠻易家二小姐，延續《延禧》入面「魏瓔珞」任性性格，即使未開播已被詬病造型奇特，但演技有所進步，極力改善嘴型變化與台詞過於同步問題，加上今次全員均採用原聲出演，秦嵐、聶遠發揮穩定，難怪被馮德倫、李易峰、宋軼主演嘅都市犯罪劇《暗夜行者》壓制住，都依然可以跑出。