李元玲被網民插P圖　 自貼零修圖泳衣辣照反擊

32歲馬來西亞「鋼琴女神」李元玲（Cathryn）經常健身，仲操出一副完美身材，俘虜唔少粉絲，不過亦有唔少網民插佢成日P圖！日前Cathryn就喺社交網分享近照，見佢貼出自己冇修圖嘅泳裝辣照加健身靚相反擊，大晒姣好身材。

而另一張相見佢手指有血，原來佢唔小心畀紙?親，不過都無阻佢繼續練琴，相當勤力。之後佢又將一班男性朋友P圖變成女人，話以後如果有男友問佢有冇閨密，就會出動呢張相，認真搞笑！唔知係咪因為前男友偷食好友令佢留下陰影呢？不過見佢依家嘅生活過得咁充實，大家都好戥佢開心呀！