運勢Keep住好　高鈞賢生日接Job狂搵銀

藝人高鈞賢現時於佛山為無綫劇集《一舞傾城》拍攝，近年於內地定居及發展的他，今次難得與以前無綫合作過的好友合作，包括姚子羚、莊思明等，他接受東網訪問時謂:「好多以前成日見，但未合作過，見番大家都好開心，以前我同姚子羚合作拍過《蒲松齡》，都10幾年嘞！」日前，正正他生日那天(20日)，他就以嘉賓身份到廣州出席開幕活動，席間更表演唱歌，他謂:「因為佛山同廣州好近，所以拍劇嘅同時都可以抽時間出席，嗰日都係剪綵同唱歌，接吓外快囉！」