執姜皓文二攤　林敏驄處男拍劇預咀郭柏妍

姜皓文（黑仔）、鮑起靜及江美儀「亞視之友」原定三劍合璧拍攝無綫劇《下流上車族》，可惜近日出現換角，繼蘇皓兒被換改由郭柏妍頂上，據知黑仔雖已開了一日工，但因與電影檔期相撞，最終決定辭演，並由從未拍過電視劇的林敏驄頂上。

林敏驄受訪時承認此事，對於執二攤亦不介意：「我做過電影導演，啲角色都會搵5個演員，邊個得咪邊個嚟！」他更玩爛gag笑言：「黑仔做咪黑啲，我做咪好笑啲！（係咪無綫高層曾志偉搵你？）應該係，佢有留言畀我。」他直言今次處男拍劇，擔心會辛苦，但現時開了3日工，比想像中好玩，問到會否同劇中老婆江美儀有親熱戲？他笑言：「可能同郭柏妍，或者係鮑姐，未拍唔知。」

至於姜皓文方面，亦透過經理人回覆，承認辭演一事：「對呀，（黑仔會拍甚麼電影？）電影的詳情暫時不方便透露，抱歉！待電影公司通知吧。不過，與無線的合作機會還有呢。」