邊個話冇人識！姜濤美國落機被圍　姜糖爭住影

人氣男團MIRROR成員姜濤前日（24日）出發前往美國工作，途中經新加坡轉機，仲趁冇人認出嘅時候去濕平，輾轉之下佢喺今日凌晨終於抵達美國紐約，經歷過十幾小時嘅機程，姜濤都繼續精力充沛，喺社交網晒出多張去玩嘅相同片，周街歎食好西。

不過原來佢落機時，都經歷咗一段畀姜糖（粉絲暱稱）圍嘅時間，見粉絲晒出片段中，姜濤自己推住行李同經理人步出機場，數十名姜糖已舉起手牌大叫「姜濤 Welcome to New York」，本身手插袋嘅姜濤都點頭及揮手回應，又專登放慢腳步同粉絲拉近距離，又接收禮物，離開機場前亦有姜糖叮囑「拍攝順利」，姜濤點頭回應，真係Nice到爆。