Super Tiger大換血　羅天宇鄒兆霆忽然退團

無綫藝人羅天宇、丘梓謙、許俊豪等人組成10人男團Super Tiger，喺去年大年初一正式出道，點知去到前日（24日）佢哋就現身籌款節目記招，宣布將會同袁偉豪載歌載舞。不過有眼利網民就發現，當初公布嘅「C位」羅天宇、鄒兆霆、曾展望、林俊其﹑魏柏豪﹑李紹堅唔見人，10人團變7人團，原來該幾位已退團。

除舊有成員許俊豪（Lincoln）、「蔥頭」丘梓謙、應屆藝員訓練班學員宋懿芳、劉展霆之外，Super Tiger新成員就加入前天堂鳥隊長葉泓聲（Gordon）、《愛．回家之開心速遞》「言少」林子超、邵展鵬。Super Tiger喺農曆新年出道後，無綫曾安排眾人接受《TVB娛樂新聞台》同《東張西望》訪問，壯志雄心嘅眾人仲高呼「唔係唔畀機會我哋呀嘛？」搞到觀眾都好期待，對於今次換走過半成員，退團原因係咩呢？