蘇志威相隔17年拍新劇　自認係叔叔但身手敏銳

組合草蜢蘇志威拍完無綫劇《心花放》後，相隔17年，為ViuTV拍新劇《冥冥之中》。他分享17年後再拍劇感覺開心又好玩，直言鍾意拍劇，只是由05年起經常做演唱會巡演，無法抽空，不過疫情下無法巡演做就今次拍劇機會，而且與導演黃偉賢相識十幾年，被導演一句：「真係得你做到。」所打動。他笑言初看劇本時，覺得自己角色在第11集才出現，以為「角色唔重要」後來經了解，才知道頭10集是講另一維度，而他的角色知道每個人的身份，角色環環相扣，十分重要，但不擔心劇情燒腦。

提到有傳TVB變陣推《十八年後的終極告白2.0》撼《冥冥之中》，蘇志威笑言：「因為我喺度就打仗，我唔係第一次拍劇打仗啦！」他覺得冇所謂，演員就是要拍好戲。翻查資料，原來1999年他有份拍攝的《刑事偵緝檔案》一劇，曾作調動硬撼亞視的《縰橫四海》。記者會期間發生小插曲，藝人袁綺雯自爆有眼不識泰山的瘀事，誤以為蘇志威是普通的叔叔，蘇志威即為她打圓場：「我女都23歲，我年紀係叔叔，但樣貌身形是年輕人，我都身手敏捷，劇裏面都有好多打鬥場面。」