戚薇曾被傳逃漏稅　李承鉉沖喜宣布老婆大肚

內地女星戚薇同韓籍老公李承鉉婚後育有一女，早前戚薇被傳因逃稅漏稅，被罰兼追繳1,200萬人民幣（約1,480萬港元），不過其工作室急急發文澄清。唔知係咪太黑仔、傳聞連連，佢同老公決定報喜賀一賀佢，李承鉉今日（27日）官宣愛妻戚薇懷二胎嘅喜訊，仲專門選喺5月27日上午10點26分宣布，呢個時間暗藏玄機，不僅諧音「我愛戚」，10月26更係戚薇生日，真係甜到爆，佢欣喜地表示：「圖中有瓜：1+1+1=4」相中就見到佢哋一家三口嘅背影。而戚薇亦緊接住轉發，仲加送一張老公Edit全家福嘅花絮相，Sweet爆。