COLLAR鮮為人知一面曝光!Day被封豬隊友成日周身傷

2022年05月27日 17:01
東網電視
更多新聞短片
人氣女團COLLAR今日(27日)出席ViuTV綜藝節目《我哋係COLLAR》記者會,節目紀錄女團成軍過程及成員鮮為人知一面。記者會中,Day被大家選為豬隊友,指她經常撞到周身瘀傷,要用遮瘕膏遮瘀,Ivy So就成為大家心目中的女神,不過隊友指她沒有女神包袱,吃東西時會不顧儀態擘大口鯨吞,隊長Gao及Candy被隊友公認可以在荒島上生存到最後,WINKA則被爆經常花好長時間沖涼。
受訪時,她們表示節目前一兩天才拍完,大家玩到癲,問到有否不能出街的內容?Gao說:「節目組好好,如果唔出得街嘅內容唔會播,有啲小秘密當係留畀我哋自己嘅回憶。」Marf稱經過今次拍攝後,加深了各隊員的了解:「其實工作以外好少時間一齊,而且工作時係輪流拍攝,今次我哋一齊去咗3日2夜Staycation,有個空間一齊相處,了解大家生活多咗。」她們異口同聲表示若有機會想一齊出埠。
另外,COLLAR昨晚(26日)擔任張敬軒演唱會嘉賓,WINKA自言心情興奮,多謝軒仔給予她們這個機會,芯駖說:「軒仔前後畀好多鼓勵同提點,佢真係好提攜後輩,係個好榜樣。」問到是否當為她們年底的個唱熱身?Gao說:「多謝軒仔畀個好機會我哋感受舞台,佢教咗我哋好多嘢,其中最大得着係佢叫我哋4個喺台上表演,另外4個喺台下吓睇,用唔同角度去感受,呢個對我哋任何舞台嘅表演都好有幫助。(你哋個唱會唔會想請番張敬軒做嘉賓?)如果可以請到佢當然好,係好大榮幸。不過個唱日期未定,希望年底舉行。(依家極積為個唱準備?)我哋積極訓練中,包括唱歌、跳舞同演戲,未必只係為個唱,而係為將來鋪路。」提到女團最近成為廣告界新寵,問到收入是豬籠入水,她們稱不清楚酬勞,多謝客戶支持,但重心放在作品上。