黎諾懿翻唱陳百強金曲 自認同對方似樣:我豪邁啲

20220529
東網電視
更多新聞短片
藝人黎諾懿昨晚(28日)出席慈善騷,獻唱兩首陳百強的金曲向其致敬,問到有否事前練習,他説:「練過吓,因為依家開緊《婚後事》,又開緊《滿足的味道》,啱啱先完成《仨心友行》3,叫做有2日時間練吓,你知陳百強先生啲歌好難唱,我都擔心出事呀,不過排到咁後應該唔係好覺眼,係放Break位嚟,哈哈。(有人話你似陳百強,你覺得?)以前似啲,依家冇咁似,係大家覺得好似啫,不過其實陳百強先生比較斯文,我就豪邁啲,我諗陳百強先生冇咁多鄉下話嘅,我句句都係。」
談到有很多人笑他名監製,他笑稱:「監咗幾部啫,時間上夾到就監,都享受自己創個節目出嚟,好難忘嘅經驗。(鍾意做演員定監製?)緊係演員啦!監製要照顧人,演員被照顧嘛,我去番拍劇真係好舒服。」他坦言疫情下要找到開心實在不易:「好似依家同你傾緊傾,我都望唔到你個樣,疫情令擁抱、握手都唔得。」他寄望《仨》能為大家找來一點簡單的快樂。