鄭伊健4年前倉底劇重見天日　任男配風頭蓋過主演

男星鄭伊健早前接拍台劇《百萬人推理》成為全城熱話，90年代活躍劇壇嘅佢近年甚少拍劇，雖然佢於2018年曾「出山」拍攝內地劇集《最燦爛的我們》，但僅飾演配角，而且劇集久未播映，遲遲未能與一眾劇迷見面，不過近日終於有好消息，有指劇集積存4年，終於「重見天日」將於7、8月在內地地方電視台及網上平台同步首，即時引起網民熱議。

其實該劇由張天愛及盛一倫主演，2人憑網劇《太子妃升職記》走紅，但及後發展平平，而除了鄭伊健任男配角外，還有關曉彤、葉童及朱茵等演出，4大配角名氣遠超主演，而且劇集遠赴意大利威尼斯取景，鄭伊健更搭檔台灣女星任容萱飾演情侶，靚人靚景加上新鮮配搭，令網民直呼期待。