張敬軒一句話令周國賢開竅：愈係難愈要簡單面對！

歌手張敬軒（軒仔）第15場《THE NEXT 20 演唱會》請得周國賢擔任嘉賓，兩人合唱《目黑》，觀眾歡呼聲震撼整個紅館，連軒仔都說：「大聲到完全聽唔到音樂呀。」

有「鮑魚王子」之稱的周國賢送上大批罐頭鮑魚，他說： 「我家族做海味生意，我屋企出嘅係鑽石牌鮑魚。我幫你開包？哈哈！」即時拆開包裝，軒仔即拿出一罐鮑魚，又笑言：「鑽石牌鮑魚…海之一番…呢個植入廣告真係好抵呀。哈哈。好浪漫，多謝你。 我哋友誼就像鮑魚一樣，歷久常新，真空包裝！」繼而交台給他獨唱《14天》。周國賢又多謝軒仔，4年前一句話令他開竅，他說：「張敬軒先生令我學識愈係難愈要簡單面對，好大得着。」