姜濤處男作預告片曝光　紆尊降貴做茶記演技獲讚

由毛舜筠（毛姐）、姜濤和柳應廷(Jer)主演的英皇電影《阿媽有咗第二個》，早前榮獲芝加哥亞洲躍動電影節「觀眾票選獎」，不少「姜糖」（姜濤粉絲暱稱）都對偶像首登大銀幕的作品，熱切期待，而該片首條預片亦於昨日正式曝光，毛舜筠於戲中演Jer阿媽、姜濤演茶餐應外賣仔、Jer則演高中生，並且展開微妙的三角關係。

預告片中，毛舜筠向兒子Jer指打算復出做經理人，復出的原因是覺得外賣仔姜濤很有唱歌天份，並且邀姜濤到她家食飯，不過兒子對這位「不速之客」，明顯有戒心兼呷醋，兩人相處時勁尷尬，最搞笑一幕是姜濤與Jer坐在梳化，姜濤拿着咪問Jer：「你唱唔唱？」Jer答：「我唔識，你唱啦！」令不少粉絲留言笑爆，亦有人大讚姜濤與Jer首次做戲很自然，尤其姜濤的「天然呆」表情，相當可愛。