曾淑雅大鬥Candy@COLLAR　網紅吳家忻加入爭百大美女

由美國網站TC Candler舉辦嘅「全球百大型男美女」排行榜，繼續有多位香港藝人陸續入圍，最新一批嘅名單中有無綫及ViuTV兩台女神同時上榜，分別係「長腿女神」曾淑雅（Jumbo）及人氣女團COLLAR成員王家晴（Candy），而網紅出身、最近又拍劇又做樂壇新人嘅女神吳家忻（kayan9896）亦爭埋一份，至於台灣方面就有女神張鈞甯，戰況相當激烈。而與吳家忻同屬同一網絡頻道嘅游學修，則與韓國男神孔劉同期躋身「百大型男」。