台慶劇率先爆︱林夏薇有望冧莊視后　最大阻力係胡定欣？

無綫今年適逢55周年台慶，早前舉行《周年慶典節目巡禮2022》，預告下半年6套重頭劇集，包括《痞子殿下》、《超能使者》、《法言人》、《新四十二章》、《法證先鋒V》及《白色強人II》，近日再有消息指當中有3部劇集已落實成為今年台慶劇，包括《法言人》、《法證先鋒V》及《新四十二章》！其中由視后林夏薇及視帝馬國明主演嘅《法》劇陣容強勁，加上有金牌監製劉家豪坐鎮，依家再有埋台慶黃金檔期加持，林夏薇隨時「冧莊」連任視后！

由於以往不時有4部台慶劇，故卡士強勁嘅《白色強人II》被睇好成為壓軸台慶劇，首輯劇集叫好又叫座，續集更有兩屆視后胡定欣加盟，相信今年視后，定必係胡定欣及林夏薇呢對好姊妹之爭。