由美國網站舉辦的「全球百大型男2022」陸續公布入圍名單，今屆亦是最多香港藝人入圍的一屆。而於近日最新一輪的公布名單中，「素人男神始祖」、英皇藝人黎峻（Kenneth）正式入圍提名名單。

得知入圍「百大型男」提名，Kenneth表示又開心又很意外：「冇諗過可以入圍，因為自己都有一啲偶像，都有入選。」問到他自覺己靚仔？他尷尬表示屬ok，型男具備的條件，不單止是外形：「我覺得要更加要騷到一面嘅就係talent，始終靚仔唔可以當飯食，你都要好多唔同嘅技能去凸顯自己嘅專長。」

至於心目中的型男，Kenneth直言係張敬軒：「我自己嘅偶像其實係張敬軒師兄，一嚟佢喺台上好charm、唱歌又好聽、人又好nice，加上佢十分之有才華，係自己鍾意咗好耐嘅一個偶像。」