阿嬌前夫︱賴弘國親揭大肚妻新面目　網友撐唔撐？

藝人鍾欣潼（阿嬌）前夫「醫界王陽明」賴弘國今年初宣布第3次結婚，仲將榮升爸爸，不過佢就收埋新婚妻Alice，張張合照都用公仔遮住太太個樣，保持神秘感。未知係咪見老婆身份藏唔住，自宣布婚訊以嚟，Alice就多次被外界起底，但因為冇賴弘國嘅「認證」，身份真偽始終未被肯定。但估唔到佢決定親自揭開老婆嘅神秘面紗，尋日（8日）佢就晒出飯局大合照，仲親自Tag埋老婆Alice個Account，見懷孕7個月嘅Alice長相氣質甜美，即使大肚係公開嘅秘密，佢都依然用雙手擋胸前遮孕肚。

據知Alice係前空姐，辭職後轉行電子科技業，佢仲曾公開大讚賴弘國個性好，有時候欺負佢，佢都唔會反擊，話唔明點解佢成日被妖魔化，明顯要護夫。