欣宜孖ERROR唱《愛‧回家》主題曲 獲贈獨一無二Tee
歌手鄭欣宜(Joyce)一連3場「Between Us 鄭欣宜演唱會2022」昨日(11日)在紅館開鑼,陳淑芬與兒子陳家豪、草蜢的蔡一智與太太、蔡一傑、廖碧兒、GinLee、曾合唱《@princejoyce》的ANSONBEAN、拆骨Ben、蔡穎恩(Evelyn)與林皓霆(Charles)等捧場。
Joyce以一襲橙色露肩巨型紗裙登場,清唱《女神》揭開序幕,緊接英文歌《Halo》大晒唱功。然後她在台上一秒變身螢光粉紅色長裙,她一度感動哽咽,但忍住說:「我唔想喊住,畀我講啲好重要嘅嘢先。」又說4年前舉行首個紅館演唱會,但今次再開騷,感覺好似第一次,可能過去4年,歌迷用了不少心機和時間去重新認識自己,感激給她耐性,台下觀眾嗌「加油」、「愛你」,Joyce就更感動眼濕濕,強忍眼淚,深呼吸後續說:「開4面台,我真係有少少緊張,因為我係零方向感,你哋邊一邊反應大,嗌大聲啲,我就向嗰一邊唱。」全場大叫,她滿意大笑:「你哋咁愛我,咁錫我,所以找精心挑選咗以下2首歌,特登喺咁重要嘅Opening送畀你哋。」以新歌《我地》的歌名,以及《救命歌》的歌詞鼓勵觀眾。
Joyce除請得MIRROR成員Anson Lo(盧瀚霆)任嘉賓外,還有ERROR於個唱近尾場時出場,與Joyce合唱無綫劇《愛‧回家》主題曲《擁抱愛》,之後送上獨一無二,分別印了ERROR成員肖像的上衣給Joyce,更命名「春夏秋冬系列」。代表春天的何啟華(Dee)笑說:「春天令人諗到潮濕,你着我呢件tee就好潮,然後好濕。」全場爆笑,Joyce作狀打他。他即解釋:「我意思係熱到出汗,濕晒!」梁業(肥仔)說:「夏天梗係着我呢件雞翼袖,你老公(Anson Lo)新歌MV都係着雞翼袖,襯晒佢,但你照鏡就見到我!」吳保錡拍片講招牌港普、郭嘉駿(193)就自肥拍片宣傳Solo歌,非常搞笑。之後ERROR唱《愛情值日生》,邊唱邊向觀眾派心。而昨晚Joyce首場演唱會,在兩度Encore下,首場個唱圓滿結束。