欣宜許廷鏗紅館台上圓夢攬足半分鐘 請全男班嘉賓採陽補陰
20220613
東網電視
更多新聞短片
![](/hk/bkn/cnt/entertainment/20220613/photo/bkn-20220613090106523-0613_00862_001_01p.jpg?20220613101005)
歌手鄭欣宜(Joyce)一連三晚在紅館舉行「Between Us 鄭欣宜演唱會2022」,昨晚(12日)是個唱尾場,吸引女團COLLAR、黃淑蔓、Lokman(楊樂文)與女友、張敬軒、AGA等捧場,當COLLAR與Lokman現身時惹來觀眾哄動。
欣宜在演唱會中大晒舞功同琴技,她穿上多套低胸裙騷身材,觀眾大叫「好索」,觀眾席上更有人舉住寫有「Marry Me」的燈牌,欣宜笑言:「我知道係你Benjamin,你係我好兄弟,我唔可以同你結婚。」期間,欣宜唱出歌曲《小夜燈》時數度哽咽,接著她獻唱新歌《仍會等》前發表自己的愛情觀,她說:「自己嘅愛情世界冇乜人鼓勵我,因為從少寫到我係一個唔值得被愛嘅人,所以脆弱時覺得自己係個愛情失敗者,我係咪咁唔值得被愛。」觀眾即時為她打氣,她續說:「我有嘅係阿Q精神,我依然相信愛情,我嘅真命天子當我搵佢同時,佢可能都搵緊我呢!」
歌手許廷鏗完成活動後,匆匆出席好友鄭欣宜的個唱擔任嘉賓,欣宜介紹許廷鏗出場時,她笑言:「我哋識於微時兩少無猜,成日會頭貼頭手牽手,成日畀人傳我哋係咪一對,所以我成日都會諗我哋究竟友情定愛情。」接著許廷鏗登場,兩人合唱《好好戀愛》,唱歌時欣宜一度忍不住笑,當二人互相撫摸對方臉時又再度忍不住笑,許廷鏗無奈說:「我唔可能同你好好咁唱一首情歌。」欣宜稱對住他總忍不到笑,許廷鏗沒好氣說:「笑咗啦!我喺台底已經聽到。」二人接著手拖手合唱《半份關心》,最後更情深對望兼眼濕濕。
唱畢後許廷鏗感性表示:「我望住你有一種好奇特嘅感覺,可能太細個認識,喺呢個舞台見到你係第二個感覺,我尋晚有嚟睇,成個騷睇到你,你有句說話不斷講,你唔肯定自己係咪值得被愛。我見住你高高低低,我覺得令我覺得最特別地方,無論邊個高邊個低,我哋返到去仍然喺對方身邊。」說時欣宜已忍不住喊。之後許廷鏗送上自己的黑膠唱片,台下的張敬軒大叫:「又送黑膠。」許廷鏗解釋:「呢隻係試碟,而後面封面係根據2015年12月15號我哋影嘅一張相畫嘅畫,當時我哋傻更更,我哋未上過紅館,我哋話如果上到,要有對方喺度,而我哋今日做到。」他邊說邊哽咽,欣宜感動爆喊,之後二人攬了半分鐘。其後許廷鏗獨自唱出《面具》,他說:「原諒我個狀態有少少奇怪,我等佢上紅館等咗好耐,我綵排時佢突然攬住我喊,佢呢三晚出咗200%努力同付出,希望你哋用歡呼同掌聲話畀佢知佢係值得愛。」
欣宜在安歌時笑謂:「今日好難專心,因為皇上(張敬軒)駕到。」軒仔就用雙手畀心,又豎起兩隻手趾公及提起一隻腳,寓意舉埋腳趾公大讚Good Show,觀眾即時大叫軒仔上台,欣宜為對方推卻:「唔得,因為防疫政策,佢冇做檢測,佢做咗廿幾場畀佢靜靜哋睇騷。」之後欣宜再正式地感謝觀眾到場:「多謝買飛入場,喺一個咁多選擇嘅年代你都揀我,我覺得人生好奇妙,你哋揀我唔係必然,我想話你畀你聽即使2021年得到好成績,我未滿足,我有太多嘢想攞出來送畀你哋,希望你哋繼續支持同留意我,我擁有所有都係你哋畀我。」她邊強忍淚水邊說。
欣宜先後4度安歌,期間有歌迷隔台送花,欣宜即識做地遠距離跟對方合照,她又以英文叫大家回家,話自己好累又好餓,其後她要求大家說Love You,觀眾齊叫Love You並全場做出心心手勢,場面壯觀,欣宜感動得眼濕濕,欣宜見到觀眾仍不願離場,一臉難以置信兼落淚,她叫大家拿出尾指跟她約定下次再見:「一定有下次,只要你哋續繼愛我。」
她受訪時自評演唱會只有75分,認為可以做得更好,講到在個唱中多次落淚,她笑言:「我好冇用,女人係女水造,不過許廷鏗仲渣過我。」問到男友Derek有否來捧場,她即時迴避說:「唔好講到佢已經係(男友),我好享受畀人追嘅過程。」她指很多好友都有捧場,令她感到好有愛,又指觀眾反應熱烈到痴線,第一次見到心海。對於很多粉絲投訴買不到飛,無奈說:「我戥佢哋好傷心,有啲人買黃牛飛,炒到4千幾,我下次要開多幾場。(係咪好快再開?)好呀!唔好畀佢停,我覺得觀眾好鍾意我跳舞,下次要跳多啲,我嘅身體畀年紀局限咗,所以要盡快再開騷。(到時搵Anson Lo幫手指導?)好呀!或者叫佢分擔吓。所有嘉賓都係我親自邀請,想請啲男嘉賓嚟畀啲力量我。」並點頭承認要採陽補陰。另外,問到父親鄭少秋對其演唱會的意見,她即時以秋官腔說:「好好,跳舞好犀利,唱啲歌好潮,但我唔識唱。(下次請爸爸上台表演?)我想同佢一齊跳唱《香港料理》。」談到有指她現年滿35歲便可繼承母親6千萬遺產,她不願多談:「唔講呢啲,每年都講一次。」