粉絲買燈箱廣告︱何晉樂就快生日　預告落區打卡

「聲夢」何晉樂（Rock）今日（13日）到電台宣傳新歌《無證騎士》。生日在即的他獲歌迷們自發性於各處擺放燈箱，及於大電視買廣告協助宣傳，令他頓感窩心，他直言會抽時間落區打卡。由於生日正日已飛往馬來西亞公幹，Rock透露：「嚟緊嘅星期尾，我會先同粉絲有個聚會。依家我乜都唔知，到時淨係交個人去，同埋諗緊準備啲小禮物畀大家。」

談到《無》歌MV，他表示：「最難忘係拍嘅時候落好大雨，粉絲話我係雨神！同埋今次有街唱鏡頭，同埋有好多粉絲參與。我都有畀意見導演，下次應該會寫埋story board，等人哋更加清楚我嘅概念。好開心邀得Amber（鄧卓殷）擔任女主角，佢外表靚靚女女咁，但係做到sad嘅感覺。」

至於19號將首次踏足馬來西亞，Rock表示逗留9日期間，會盡量開「食戒」：「尤其係同行文凱婷唔食榴槤，我應該喺佢面前表演點食。佢好鍾意拍短片，我都希望同佢拍多啲留用。（未執行李？）買咗感冒藥同胃痛片，我腸胃唔係幾好，所以要準備好。」