Anson Lo拍外景引起哄　神徒極速到場舉機圍觀

由盧瀚霆（Anson Lo）、Jeffrey（魏浚笙）、黃德斌、簡慕華等人主演嘅新劇《百萬同居計劃》現在正拍攝得如火如荼，雖然Anson Lo忙拍劇兼宣傳新歌，但他可謂愈忙愈精神，今日於屯門開工，神采飛揚，數十位「神徒」（Anson Lo粉絲暱稱）亦聞風而至，全程跟到實，場面非常墟冚，尤其當Anson Lo行出街上，個個舉起手機拍攝，十足十睇演唱會一樣，有女學生坐車經過見到偶像，都忍不住要叫家長停一停車，令她可以落車離遠拍照，真的非常瘋狂！

Anson Lo與Asha全程拍攝都相當甜蜜，其中一場戲於雪糕車旁買雪糕食，Asha咀角污糟了，Anson Lo細心地幫她抹咀，非常溫馨！因今日天氣都非常悶熱，穿上外套的Anson Lo，拍攝時當然交足戲，但一Cut機都即要除外套及吹風扇，抖一抖氣。