陪審員首度開腔解釋安芭赫德敗訴原因：佢流嘅係鱷魚淚

荷里活影星尊尼特普（Johnny Depp）與前妻安芭赫德（Amber Heard）互告誹謗，尊尼最終獲勝訴，安芭被判賠償約1.17億港元。而隨着官司落幕，陪審團的「封口令」亦被解禁。其中一名陪審員昨日（16日）接受美國早晨節目《Good Morning America》獨家訪問，親自解釋安芭敗訴的原因！

原來安芭衰作供時太激動引致令陪審團反感，陪審員受訪時說：「佢啲哭泣、面部表情同盯實陪審團。令我哋全部人非常唔自在。佢會答一條問題之後就喊，然後兩秒鐘佢就收起表情。我哋有部分人形容佢嘅表達方式係流住『鱷魚淚』。」相反，陪審團就認為尊尼的供詞更可信：「就佢點回答問題，佢似乎較為真實。一路以來佢作供時嘅情緒狀態非常穩定。」而安芭日前在電視訪問中歸咎於社交媒體左右了陪審團裁決，陪審員就此否認。最後陪審員總結認為真相是他們有互虐對方，所以認為官司結果不會證明到他們是對或錯。