鬼崇揭「遮遮」嘔吐物新菜 網民報寸激到張敬軒爆粗

20220618
東網電視
更多新聞短片
「早餐界KOL」張敬軒經常於網上分享外傭「遮遮」炮製嘅早餐而成為熱話,雖然「遮遮」廚藝進步不少,不過依然久唔久帶來驚喜,呢日張敬軒喺社交網大晒午餐,只見碟上有一大堆沙律菜,及一塊疑似扒類嘅物體,但上面就蓋滿啡黃色嘅醬汁,望落似足嘔吐物,張敬軒笑指:「我喺屋企食飯就好似開盲盒咁,我有個幾月冇喺屋企食晏了...不過我都係想返紅館開騷,開工,開庫,開箱,開車,開汽水罐...開咩都好喇......我唔係好想喺屋企食晏...可摸以淨係要返舊正常扒,或者齋食沙律菜我都飽到嘅,是咪腐乳忌廉汁牛扒又中又西又多油,我feel到佢又開始嚟料。」
佢又特登用標籤(Hashtag)功能留言訴苦,咁「遮遮」就唔可以翻譯成英文,但一班網友非常「好心」,紛紛留言幫忙翻譯,搞到張敬軒即忍唔住爆粗:「fank X kiu(多X謝)!」