聲生不息︱李克勤奪最佳獨唱歌曲獎　同觀眾合唱《紅日》

歌手李克勤在最新一集《聲生不息》Solo演繹黃凱芹的經典金曲《雨中的戀人們》，由於是獨唱關係，他從編曲上着手：「比賽前一個禮拜，我特登去咗琴鍵手Andy住嘅酒店房，一齊傾吓對隻歌嘅睇法。Andy係我演唱會tour嘅琴鍵手，基本上大家都好有默契，我哋構思用咗好多《深深深》嘅元素，擺咗落去呢首歌鋼琴部分，《深深深》呢首歌算係我比較早期有代表性嘅作品，希望可以引起觀眾嘅共鳴。其次我哋用咗一隻80年代英文歌《Raining days never say goodbye》擺落首歌的music break，最後用番凱芹嘅歌《傷感的戀人》當中的『風中雨點沾濕了身』作為表演結尾，作出一個首尾呼應嘅感覺。」在編曲上花盡心思的他，最終奪得「最佳獨唱歌曲獎」。

節目尾聲，一眾歌手一起合唱「觀眾選擇金曲」，是李克勤的歌曲《紅日》，由於這環節的歌曲是由觀眾投票選出，過去集數所選出的歌曲均沒有原唱者在現場，這次是首次有原唱者同台演出，克勤表示：「多謝投票畀呢首歌嘅觀眾，真係好榮幸。」