黃曉明公開「小海綿」新片　意外披露與Baby最新關係

內地男星黃曉明與Angelababy（楊穎）今年初宣布離婚，昨日（19日）係曉明離婚後首個父親節，雖然兒子小海綿現時主力由Baby照顧，不過父親節咁重要嘅日子，Baby都有畀佢哋兩仔爺團聚慶祝，曉明喺社交網大晒同囝囝玩騎牛牛嘅新相，同時不忘感激爸爸，晒出昔日三代同堂打籃球嘅合照，並表示：「爸爸，曾經你是我的英雄。現在，你又教我成為了他的英雄。父親節快樂。」

與此同時，小海綿亦向曉明送上親手製作嘅禮物，曉明甫出囝囝拍攝嘅影片，見囝囝大晒心型心意卡，並指：「爸爸，這是我自己寫的，因為剛才姨婆手機開的聲音很大，所以你聽不不清楚，這個字是我自己寫的，爸爸節日快樂！」冧到曉明即感動表示：「沒想到我也有這麼一天，值了。」不過網友就發現影片尾段，出現Baby聲音講到：「好了，好了沒？」即猜測小海綿送祝福時，Baby正正身在旁邊，甚至可能係Baby教囝囝拍片，即對2人冇因離婚反目，仲能夠和諧相處而大感欣慰。