父親節冇禮物收！張智霖佳節活動重溫《天地男兒》勁灰

男神張智霖（Chilam）擁凍齡外表，與15歲兒子魔童（張慕童）Friend過打Band，經常被拍得同行照。適逢昨天（19日）父親節，Chilam於社交平台上載一家三口的「戴罩幸福照」，魔童刻意露半邊面，依然掩蓋不住帥臉，而Chilam則留言祝福大家父親節快樂。

問到Chilam是否有神秘驚喜，他竟幽默表示：「完全冇慶祝活動，亦冇禮物收，只需好好記往今日係父親節，但我屋企其實日日都係母親節，哈哈！（唔係啩？）相信最好嘅父親節活動，就係齊齊坐定定，深宵時分喺屋企重溫《天地男兒》囉！」